遠親不如近鄰，有好鄰居猶如有好幫手。有港男表示，母親日前忘記曾訂購急凍海鮮，全家在送貨當天都出了門，無人收貨，速遞員又隨便將海鮮放在家門外便離開；正當他們打定輸數以為海鮮會全數報銷之際，返家竟發現鄰居貼心地代他們收貨雪藏，更請他們試吃自家製的辣椒油，令事主一家感到非常窩心！

該名港男在「香港討論區」發文，指平日出入遇到鄰居，雙方只是簡單打聲招呼的君子之交，直至日前母親訂購急凍海鮮，打算周末招待好友，卻忘記前一日有人上門送貨，全家人一早便外出。事主表示，母親經常向店舖買急凍海鮮，曾試過出門買餸時速遞員上門，要求對方將海鮮放在家門前，「嗰日阿媽又唔記得咗有嘢送嚟，速遞哥哥又慣咗就咁放喺門口就算」。

至送貨日當天下午5時許，母親看電話始知店舖通知已完成送貨，一家人擔心急凍海鮮長時間放在室溫已溶雪解凍，故打定輸數，計畫翌日早上到街市再買海鮮。

怎料晚上回家時，事主一家發現鄰居在其家門前留下一張便條紙，指「見到你哋買咗急凍嘢，但係見你哋好耐都未返，所以我拎咗返屋企幫你哋雪住先，返到嚟去XX室搵我拎返呀！」事主當晚前去鄰居家，對方隨即從冰格拿出該批急凍海鮮，更跟事主道歉，「仲要同我哋講唔好意思，因為個箱太污糟，所以佢哋雪起晒啲嘢之後就掉咗個箱。」事主更指，鄰居甚至請他們試吃他們自家製的辣椒油。

事主形容一家人與該戶人家當鄰居多年，但「連人哋姓咩都唔知」，父親初時甚至「好人當賊辦」，懷疑對方會故意盜取部分海鮮。事主指這次幸得鄰居好心相助，才得以「拯救」該箱海鮮，直言：「有好嘅鄰居真係好重要」，又指「呢個故事教訓我，要記得幾時有嘢送貨，同埋自己都要做一個好鄰居！」

不少網民看完帖文，都認為事主能擁有好鄰居實在非常幸運，「千金難買好鄰居」、「遠親不如近鄰，有一個好鄰居真的很重要」；亦有網民分享自身經歷，「有次打風，我又未放工，隔籬屋問我使唔使幫忙買定啲菜，真係好好」。

資料來源：「香港討論區」