港媽早前帶兒子到科學館參觀，兒子玩到失控之餘，更與其他小朋友「爭嘢玩」，結果被同場家長叫停兼要求二人道歉。資料圖片
該名港媽在「香港討論區」發文，指日前帶兒子到科學館，不料孩子一入場便失控，狂跑狂跳之餘，更「咩都拍兩下，仲要同其他小朋友爭嘢玩」。港媽指，原以為那些「都係小朋友嘅事，大人會明」，怎料卻遇上同場家長叫停兒子，要求他向其他小朋友道歉；為大事化小，小事化無，港媽便對兒子表示：「你同小朋友講聲唔好意思，對唔住，我哋而家讓返畀佢玩，我哋下次記得會排隊」。
不過在兒子道歉後，其他家長並無罷休，「大大聲指明要我呢個大人同佢阿仔講對唔住」，令她感到非常憤怒，「佢都可能睇電視睇壞腦，要唔要半澤直樹咁跪地認錯？啲阿媽咁小事都睇唔開，唔知佢會教個咩仔出嚟」，更形容「都黐X線㗎」。
網民看完帖文後，大部分人都未有與港媽站同一陣線，反而質疑港媽才是最大問題，「樓主你真係覺得自己無問題？如果係你哋唔啱，講對唔住都好正常，唔代表大人唔使say sorry，你個仔都識，係你唔識」、「你冇睇實個仔，畀佢不停騷擾其他小朋友，梗係最錯係大人」、「其實而家見好多家長都係咁，由得啲小朋友自己喺度搞亂滋擾其他人，好似唔關自己事咁，個小朋友係你嘅仔女，唔去管教佢，就係家長問題」。
但亦有網民力撐港媽，認為她的兒子道歉已足夠，要求大人同時道歉，只是為了抬高小朋友的自信心，「根本個小朋友受現場環境影響，見其它小朋友有得玩，咪衝去，根本好正常」、「根本唔係家長肯唔肯道歉，係對方家長藉此機會侮辱小朋友父母，抬高自己小朋友嘅信心」。
資料來源：「香港討論區」
