(星島日報報道)陳凱琳（Grace）有感兒子大得快，昨日在社交網發文：「做父母嘅都知道，小朋友大得好快！仲記得佢哋着一件頭嘅時候……話咁快而家已經要着童裝啦！不過啲款式真係又靚又時尚！唔知佢哋幾時幫媽咪揀衫呢？ 同小朋友影相真係好難 亮點係亮亮肚腩仔」

　　她另外在小紅書寫上：「我無論再忙也好，也一定會抽時間陪伴他們，不想錯過他們童年的一分一秒，創造我們的專屬回憶。」相中可見，穿高踭鞋的Grace帶兩子到公園玩。兩歲多的長子鄭承悅追着小型足球跑跑跳跳相當有活力，一歲左右的幼子鄭承亮則全程被媽媽Grace攬實。

　　纖瘦的Grace側面看來相當單薄，雙腳也是名副其實的筷子腳，可能過多一兩年Grace已經抱唔起兩子了。