鄭嘉穎、馬國明、鍾嘉欣及周家怡等主演的TVB台慶劇《星空下的仁醫》，將於本月18日首播，首條充滿視覺效果的宣傳片曝光，以動漫風格及真人實境拍攝，帶出馬明、嘉穎這兩位星際使者肩負拯救人類的使命跟黑暗戰鬥的故事。之後鏡頭轉到手術室場景，穿上醫生袍的兩人推門而入，以熱血mode安慰手術台上的小朋友，期間嘉穎頭戴「七彩小熊帽」𠱁小朋友，相當搶焦！彩蛋部分，馬明問嘉穎：「話我哋勁過超人，會唔會誇張咗啲？」身為人父的嘉穎即回答：「小朋友係要𠱁嘅，第日做咗老竇你就明㗎啦！」