女子組合Super Girls成員之一的Jessica（蔡明思）在2019年4月宣佈與台灣金融才俊陳冠（Steven）結婚， 婚後不時在社交平台晒合照放閃，今日Jessica在社交平台貼為老公慶祝生日的相片，而這個生日派對相當鬼馬，皆因所有出席人士全部都需要反串，Jessica留言說：「期待咗呢個易服生日派對好耐！估唔到大家咁瘋癲，每一個都咁認真對待呢件事。由MK派對到非男非女派對，大家都表現出色，笑到我好攰，好鍾意呢班咁痴（黐）線嘅人，無論同佢哋玩咩都咁開心，真係好感恩陳冠身邊有你哋！」