姜濤日前與Jer（柳應廷）、林家謙及Tyson Yoshi合作為商台演出《拉闊音樂會2021 - 風火雷電》，當晚ViuTV的總經理魯庭暉亦有到場睇騷，在開騷前夕，姜濤出席活動曾經暈倒，而Jer更在開騷前一晚，氣管突然出現敏感，幸好最後有驚險，順利完成！

今日魯暉在IG撰寫長文，原來他一直擔心兩人的狀態：「首先一個就開show之前唔舒服，一個就早排唔舒服。早排唔舒服嗰個，我叫咗佢去食多啲嘢，唔准再驚肥skip晒啲嘢，叫佢唞多兩日，唔俾佢咁快開工，佢就打嚟唔俾我唔俾佢開工。所以嗰晚live，佢哋每唱一粒音，每跳一個Step，我嘅情緒都係好似一個考緊車牌嘅人，俾個考官啤住嗰個感覺咁上下。」