不少人到室內遊樂場，都會玩出名難玩的「掟彩虹」考眼力及碰運氣。不過，天水圍一名母親早前帶女兒玩該個遊戲時掟中界內，卻被工作人員判定「擲界」不中獎，令她大為不滿。

該名母親在社交媒體Facebook群組「真.屯門友」發文，指早前帶女兒到一間連鎖室內遊樂場玩「掟彩虹」，幸運地將銀仔掟中黃色格仔內。正當兩母女滿心歡喜，以為可以得到獎品時，女副經理竟指她們「擲界」不中獎，堅稱「佢睇嘅直線係踩黑色界」，令她非常憤怒，與對方理論數分鐘後不果，更一度被禁止拍下照片作證，她最終最後帶著女兒離開。

該名母親其後在留言區補充指，本來只是想花錢讓女兒「開心玩吓」，結果卻無故受氣，又表示即使大獎也只是一個普通的公仔，「屋企都大把」，但認為是公道問題，完全摸不透中獎原則，亦覺得自己被騙。她怒指該名女副經理「似在幫公司倒米」，揚言以後不會再幫襯該分店。

網民看完帖文後都認為涉事副經理的判斷極不合理，紛紛表示「根本完全沒有掂到黑邊，應該是中的，咁離譜，以後不要幫襯」、「首先好明顯係中間，二，其實一個黃獎，經理為何要咁執著」、「中黃色獎品都係100票，咁都唔捨得」、「一定係中咗，完全冇灰色地帶！」、「咁都唔叫中獎？係咪要個銀仔企喺度先叫中呀!」

資料來源：「真.屯門友」FB