樂隊「享樂團」出身的鄺旨呈（旨呈）去年參加ＶiuTV《全民造星III》，當時曾有報導指他是坐擁10億身家的闊少，媽媽是美容集團的創辦人兼主席曾裕。雖然家底豐厚，但旨呈依然努力在娛樂圈追夢，早前便有份參與的ViuTV節目《夕陽新丁》今晚播出結局。昨晚（7日）旨呈在IG貼上與媽媽曾裕的合照，言語間充滿着離愁別緒：「人生必須隨時準備好說再見，因為人間處處充滿著離別。再見了！娘親！不懂花言巧語，只能寄語碟上。」
今日旨呈接受《頭條娛樂》的訪問，問到媽媽是否返新加坡，他說：「係呀，其實佢而家喺嗰邊定居，對上一次返嚟差唔多係兩年之前嘅事，今次返嚟佢短暫停留10零日，唔覺唔覺原來已經係最後一日，係有啲唔捨得，所以噚日咪同佢一齊食飯farewell，不嬲都唔係好識講，我愛你或好肉麻嘢，所以咪寫咗喺隻度，仲送咗遊戲機俾佢，有個妺喺嗰邊，而家新加坡疫情都嚴重，好多時間都留喺屋企， 所以等佢哋一家人可以喺屋企玩。」