熱帶風暴「獅子山」襲港，不少打工仔及學生昨日需冒風雨狼狽出門。一名網民於討論區訴說指，昨日（8日）已預早15分鐘出門上班，惟因太大雨，等了45分鐘仍未能成功上車，豈料回到公司後，竟被老闆質問為何會遲到，最後更稱當作他遲到要扣人工，該網民大感委屈，猶豫應否辭職。

該網民於「香港討論區」發文指，昨早因預料會下大雨，故特意提早15分鐘出門，「等咗45分鐘都上唔到巴士，架架都爆晒」，幸好有一架巴士仍有空位「可以塞入去」，最後成功上車。惟在落車之時，因雨勢太大，「有遮好似冇遮咁」，回到公司時已全身濕透。

當時老闆已一早站在門口，略帶憤怒語氣質問事主，「點解會遲到？」，他遂解釋指因沒巴士，故未能準時上班，沒料老闆竟反問，「點解唔早啲返工？」並在門口怒罵15分鐘，稱「照當遲到要扣人工」。事主坦言，回到座位後，「差少少忍唔住流馬尿」、「諗緊點解要咁陰公幫佢打工」，猶豫到底應否辭職。

帖文引起網民的熱論，網民紛紛留言支持樓主應及早辭職，「走啦，唔識體諒員工嘅老細，唔係好老細」、「連咁惡劣天氣都唔體諒下屬，呢啲老闆十分無良，必定要辭職的」；亦有人指準時上班為員工的責任，「準時返工係每個打工仔嘅責任, 你住遠咪早出門口，公司唔會理你7點定6點出門口，只要準時9點坐係到就得」。

資料來源：香港討論區