香港羽毛球一哥伍家朗，今日（10日）在社交網貼出三張照片，宣報喜訊，原來他已於昨晚（9日）在8號風球下、向拍拖六年半的女友Charlotte求婚成功，真係打風都打唔甩。伍家朗透露求婚過程相當難忘：「2021.10.9 一齊左六年半終於都嚟到呢一日，今次可以話係最成功嘅surprise。竟然可以呃住你呃到儀式前一刻先開估，更加估唔到係我讀台詞讀到1999你都忍唔住喊咗。」