Joey Tang（鄧建明）昨晚（13日）喺《夏韶聲XJOEY TANG LIVE 2021》中，因為落台時走錯位，他喺漆黑一片嘅台前落台時失足跌親，連人帶結他墮地發出嘭一聲，嚇傻觀眾。他隨即由工作人員攙扶到後台敷冰，之後左手食指包上膠布繼續上台表演。今日Joey Tang向本報報平安，他表示應該只係拉傷，沒有斷骨，手指仍然可以郁動到，所以今晚不受影響繼續會知音。

昨晚返家後Joey Tang繼續在患處𢾾冰，今日去咗物理治療師度做詳細檢查及治療，應該問題不大可以彈到嘅。不過，因為Joey Tang頭落地時兼被結他夾到手，受傷手指如同被道門夾親咁痛，今日他繼續用膠布貼住，綵排時先同團隊練吓唱歌，直至去到最後一刻先試吓彈結他，睇吓受傷手指能否發到力。