黎諾懿今日出席慈善賀年糕點發布會，他說今年已是第四年推出賀年糕點，由於部分受惠機構的人士不能吃豬油，所以特別推出馬蹄糕，去年順利售出8,500盒，希望今年能保持成績，收益扣除成本後，將全數捐給香港盲人輔導會。黎諾懿表示：「最近疫情反覆，原本安排低收入家庭的小朋友到樂園玩，但依家連盆菜宴都要取消，明白小朋友會好失望，但開過3次會，唔想好心做壞事冒呢個險，決定將盆菜直接送去佢哋屋企俾佢哋享用。」並指會同時聯絡贊助商捐米及玩具暫時頂住，待疫情穩定後再作安排。
黎諾懿第四年推出賀年糕點。
賀年糕點的收益扣除成本後，將全數捐給香港盲人輔導會。
談及細仔「小冬牛」，黎諾懿稱之前陪月放了2日假，他負責夜更照顧兒子，自嘲似乞兒：「唔只件衫有奶漬，連頭髮都冇梳、冇瞓覺真心覺得自己醜樣兼老咗十年。」他指4歲半大仔「小春雞」好錫細佬，但亦十分黐身，之前要求養金魚，還要坐BB車去買金魚。黎諾懿承認很寵愛兒子，因自己在陰影下成長，只要物質搞得掂，都會縱容小朋友。
黎諾懿一家上月迎來新成員。
「小春雞」好錫細佬「小冬牛」。
立即下載 | 全新《星島頭條》APP : https://bit.ly/3yLrgYZ
