李靖筠、陳漢娜、凌文龍等今日到九龍灣出席ViuTV新劇《IT狗》記者會，李靖筠透露在劇中演超級黑客，外表孩子氣但一按鍵便掌握好多事。拍攝時笑到流淚，因為被安排講出幽默對白十分有爆點。而現實中的她電腦相當水皮，她透露爸爸是IT人，不喜歡電腦可能是出於反叛，爸爸在電腦安全上很嚴格，形容要「過五關斬六將」才能打開網頁上網，令她對電腦有陰影。
ViuTV新劇《IT狗》今日舉行記者會。
李靖筠稱對電腦零認識：「拎到劇本第一時間搵朋友求救，後來先諗起爸爸係行內人。」問到有否向父親請教，她笑言：「爸爸話都係望住電腦、打吓字咁啦！（被罵不用功讀電腦？）唔會，佢知我冇興趣，加上而家工作都算有成績。」不過唔會避免揀爸爸呢類型的男士做對象，因為性格上夾得嚟，只不過個人有啲悶。
李靖筠為角色有請教吓爸爸。
李靖筠指過去一年拍了兩部戲，包括一部鬼片及一部熱血作品，有望在今年內與大家見面，自己也期待看到成品，並會繼續做音樂。
李靖筠去年有參與拍戲之餘，都好努力做音樂。
立即下載 | 全新《星島頭條》APP : https://bit.ly/3yLrgYZ
