張天賦（MC）因早前與《造星IV》Ash（鍾卓穎）合拍MV，又在平安夜被網民影到一齊行超市而傳出緋聞。Ash日前才宣佈離婚，難免外界以為MC介入女方婚姻，不過MC今日出席活動時就聲稱二人只屬朋友關係。
MC平安夜同Ash行超市傳出緋聞。
今日親口否認緋聞。
二人早前合拍MV。
Ash日前宣佈離婚，前夫已返回台灣。
今晚MC在IG開直播與Fans聊天，竟然引來Ash台灣前夫龍龍留言：「如果你真的喜歡Ash就要好好對她。」不過MC未知有否看到。而龍龍隨即又在個人IG的限時動態表示：「如果真的有甚麼，我希望你可以負責到底，我是說如果真的有甚麼的話。」似乎意有所指。
MC開Live引來Ash前夫留言。
Ash前夫之後又喺自己個IG咁講……
網民叫龍龍唱《記憶棉》……
昨日（4日）龍龍其實已經回到台灣，並開始隔離，他今天出了十幾二十個IG限時動態與網民分享隔離生活，又與網民聊天，似乎心情不錯。更對於網民要求他找Ash Facetime和唱《記憶棉》感到哭笑不得。雖然龍龍仲笑笑口，但今日睇番佢IG，已經Del晒同前妻Ash啲相喇，唔知係咪唔想見到令自己傷心呀！
龍龍已經Del晒同Ash嘅合照喇！
立即下載 | 全新《星島頭條》APP :https://bit.ly/3yLrgYZ
