港女指，男友事事都提「阿媽話」，令她壓力很大。《BB來了》劇照

媽寶比渣男更可怕？有港女指，最近終於與男友分手，原因是對方每事都會交由他的媽媽決定，甚至希望她一同跟從，令她非常大壓力，並難以忍受一個沒有主見、只按家人意見行事的男人！

該名港女在網上討論區「Dcard」發文，指日前向男友提出分手，「原因係佢真係冇主見到任何嘢都問佢老母，由佢老母幫佢決定」，她指交往初期未見真章，但溝通愈久便發現對方的話中總有一句「阿媽話」。她稱，男友事無大小都要徵詢媽媽的意見，包括約會食飯選擇餐廳及兩人旅行的地點等，亦有一些日常生活瑣碎事，她形容「日常生活中嘅『阿媽話』多到數唔晒」。

港女指，自己因堅持到外地做交換生而與男友爭執，對方就再次搬出媽媽作理據，突然爆出一句「即係我覺得你去唔係問題，但係阿媽話外國而家疫情仲係好危險，怕你到時exchange完唔知帶咗啲咩病毒返嚟傳染佢哋老人家，所以你都係唔好去啦，唔想佢哋唔開心」，令她對男友「徹底死心」，慨嘆：「關於我人生嘅事我唔開心唔緊要，但係你阿媽唔開心就唔得，就要我犧牲？真係冇得救㗎喇！」

港女又表示，過往的戀愛經驗曾遇過大眾公認的渣男，「可以下晝俾我朋友捉到拖住另一個女仔喺超市買餸煮飯仔，打電話畀佢嗰下仲同我講佢喺公司OT緊」，但這任男友卻令她覺得毫無主見的男友更令人難接受，「我真係接受唔到人生任人擺佈毫無主見嘅人，潛移默化就會影響埋你自己嘅決定」，最終決定分手。

帖文引起網民共鳴，不少人都指「100%都唔會揀垃圾媽寶，永遠都係阿媽大過女朋友，遲啲結婚慘過做阿四」、「我覺得呢啲冇自我嘅人同邊個相處都好難」。不過亦有人認為渣男比媽寶更恐怖，「自己覺得渣男得人驚啲，佢最多都係冇主見，渣男係直情X街」、「如果有一件事佢阿媽沒有想法，佢係唔係會聽你講先？但係點都比渣男好吧」。

資料來源：「Dcard」