鍾嘉欣早前專誠由加拿大返香港出席《萬千星輝頒獎典禮》，現已返回溫哥華照顧一對仔女。雖然失落視后，但如她所言是希望享受這個頒獎舞台，所以由化妝整頭、行紅地氈、後台花絮等全記錄，日前剪輯成影片放在網上頻道。嘉欣更發表感言，透露已寫定紙仔，準備好視后得獎感言，雖然最終未能如願，但嘉欣為免一眾粉絲失望，還是一一讀出，當中最要多謝老公和一對子女，揚言：「我心中最大嘅獎已經贏咗！」
影片一開始，嘉欣站在TVB外面說：「今日返到嚟母校TVB，我估唔到有機會再次參加呢個頒獎禮，心情好興奮，又有少少緊張。因為我知道我唔會有好多機會，或者未必再有機會返到嚟呢個電視台，所以我今晚一定要盡情享受。」原來她很想將頒獎禮當作人生一個記錄，由化妝整頭、行紅地氈、後台花絮等片段全部拍下，日前把成影片放在網上頻道。
鍾嘉欣由化妝整頭開始，將整個台慶頒獎禮全記錄。
在TVB大樓外，表示今趟之後，未知幾時再有機會返嚟。
見到秦沛即上前握手。
嘉欣指已有6年沒有參與頒獎禮，原來當天已寫了一張紙仔，希望能在台上感謝一些人：「我想分享少少嘢，我好想多謝我自己個老公，雖然佢未必聽得明我嘅廣東話，但係因為佢鼓勵我先拍呢部戲。好多謝佢嘅犧牲，一個湊住兩個（小朋友）真係唔容易，佢喺我心目中係萬眾無一。而我對仔女，媽媽好愛佢哋，佢哋令我成長更多，令我成為更好嘅人，喺我心中最大嘅獎已經贏咗，因為我有兩個寶貝仔女。」她還多謝父母、老爺奶奶，演藝上幫助過她的人，還特別感激好錫她的劉松仁，還有《星空下的仁醫》團隊，飾演章以芯角色時學到的東西。
片段最後就拍得鍾嘉欣在電視城外與粉絲一齊慶功，她說：「最重要是學習過程，多過於輸贏，其實係冇輸贏，你內心世界學到啲嘢嘅話，你已經係跨進一步，唔使失望，我哋喺好感恩。」
行紅地氈前，心情好緊張。
嘉欣表示要多謝老公，對她而言是萬中無一。
與粉絲見面超開心。
立即下載 | 全新《星島頭條》APP : https://bit.ly/3yLrgYZ
