鄰居每晚半夜沖涼高歌，惹住客不滿。網圖

不少人喜歡沖涼時放聲高歌，惟對鄰居卻造成滋擾。大埔太和邨一名街坊於社交網投訴，指邨內一名男子習慣於凌晨時分邊洗澡邊唱歌，雖然歌喉已有所進步，但始終造成不少困擾，希望對方能將音量收細，帖文引起網民熱論，一名疑似當事人更留言致歉，稱「我聽晚開始會細聲啲」。

該名街坊於facebook群組「大埔 TAI PO」發文，稱同邨一名男子每日準時於凌晨1時30分，在洗澡時大聲高歌，開初曾唱了半個月曾比特（Mike）的《我不如》，直至近日開始改唱MC（張天賦）的《記憶棉》。樓主稱讚該名鄰居的唱功有進步，「一開始走音，到而家進步咗好多」，惟在深宵時分，希望對方可以盡量降低聲音，以免打擾其他住客。

帖文引起網民的熱論，有網民笑言，「下次同佢喺廁所合唱」、「下次你點唱啦，唔好嘥咗呢個機會」、「有無得點歌？」；亦有網民分享類似的經驗，「都好過我鄰居，鍾意唱歌劇」、「我樓下個女人晚晚一點唱國語山歌，唱咗一年都仲好似喊驚咁」、「屋企附近每逢假日都會有人唱k，佢每次都會唱《玉蝴蝶》，好想話佢知唱快咗」。

其後一名疑似當事人亦留言向樓主道歉，並指「我聽晚開始會細聲啲，慣咗收夜，唔好意思」，他又透露最近打算改唱MIRROR成員Edan（呂爵安）的《E先生連環不幸事件》，希望樓主不要介意。

資料來源：大埔 TAI PO

立即下載 | 全新《星島頭條》APP : https://bit.ly/3yLrgYZ