觀塘翠屏邨一名電單車外賣員因違泊而被「抄牌」，繼而與交通警員發生爭執。
網上流傳一後影片，一名電單車外賣員因違泊而被「抄牌」，繼而與交通警發生爭執，期間交通警疑情緒激動，爆出一句「你唔係警察，我係呀！我唔使你教我做嘢呀！你得嘅，你做咗警察喇！使乜做外賣呀！」，引起網民熱議。
有網民在社交媒體Facebook群組「香港突發事故報料區」上載影片，當中顯示觀塘翠屏邨一名電單車外賣員違規停泊路邊遭警員發出定額罰款通知書，外賣員大聲問交通警「你而家仲有咩做先？」，對方聲嘶力竭稱：「你問咩事嘛，呢度唔泊得車！咪答你囉！」外賣員聲量緩和指：「好心啦，唔係咁樣做人、咁樣做嘢㗎。」交通警員反斥：「你唔係警察，我係呀！我唔使你教我做嘢呀！你得嘅，你做咗警察喇！使乜做外賣呀！」
外賣員聞言後情緒亦愈加激動，表示「唔好意思，我本身唔係諗住做外賣，如果唔係疫情嘅話，我做緊Manager（經理）㗎！」又指「做外賣唔係好差㗎咋」，但交通警未有卻步：「咁係你問題，唔係我問題」，並強調對方違泊，他便需要執法：「唔只呀，起碼唔使𦧲，$320……你使乜𦧲啫！」
片段中有另一名警員在旁，全程未有阻止兩邊爭執，只曾嘗試輕拍外賣員。雙方對峙數分鐘，有市民開口勸外賣員離開，外賣員隨後駛離。
影片引起網民熱議，不少人都支持涉事外賣員，「社會上每個崗位都有佢嘅作用，職業唔應該存在地位高低」、「做警察好叻咩？送外賣又真係好差嗎？唔好狗眼看人低，你尊重人，人尊重你，這基本常識」。不過亦有網民認為交通警沒有問題，「違規泊車仲有咁多嘢講？」、「違泊是阻街，有合理依據抄牌」。
資料來源：「香港突發事故報料區」FB
立即下載 | 全新《星島頭條》APP : https://bit.ly/3yLrgYZ
