TVB新劇《鐵拳英雄》今晚首播，故事以六、七十年代的曼谷唐仁街為背景。主要透過主角如何在逆境中自強及尋求正義的故事，帶出中國功夫的哲學智慧，讓觀眾看到實實在在的拳腳功夫，劇組與演員們付出不少血汗。
新劇《鐵拳英雄》演員陣容有陳山聰、伍允龍及姚子羚。
展鵬說：「有一場打戲要戴晒手鐐同腳鐐咁打，好有難度，要諗點設計啲動作同埋點樣做出最好嘅效果，嗰幾場戲歷時4個月分咗7日嚟拍。」展鵬又謂為了保持完美身段更是吃盡苦頭：「佢哋教我要『甩水』，即係頭3、4日每日飲7L水，一日去20次廁所左右。去到正式拍嗰時一啲水都唔可以飲。」
伍允龍和陳展鵬有好多對手戲。
展鵬獲讚身手好咗好多。
正式拍攝時，陳展鵬為保身材唔可以飲水。
出名捱得的陳山聰亦坦言拍《鐵拳》是入行以來最辛苦：「今次我個角色集合咗好多門功夫，最重要係冇用替身，好似啲穿門、爆窗戲，都係親身上陣。」首度與伍允龍合作的山聰透露跟對方打得合拍兼節奏好夾：「佢話同我打好舒服，對我嚟講係好大嘅強心針！」而他跟姚子羚演慣情侶，並直指今次與對方有唔少激烈場面，並笑謂：「kiss戲我哋都駕輕就熟。」
伍允龍今次角色繼續大展身手。
陳山聰坦言拍《鐵拳》是入行以來最辛苦。
至於出名好武功的伍允龍覺得今次角色「夜來吉」很有新鮮感：「以前演嘅都係比較嚴肅、火爆嘅角色，今次角色就可愛啲。」伍允龍又感謝監製讓他選擇自己喜歡的功夫「上陣」：「我選擇打洪拳，我對南方嘅功夫比較熟悉，可以容易啲去演戲，因為唔使花太多時間諗招式，可以着重番點樣去演好角色。」同樣功夫了得的元秋，表示今次會轉戰「喊戲」，並大讚囝囝展鵬無論劇內劇外一樣乖仔：「佢好錫我，大家有問題都會互相提問。（覺得佢身手點？）比《城寨英雄》時進步咗好多。」
立即下載 | 全新《星島頭條》APP :https://bit.ly/3yLrgYZ
