今日（11日）是張繼聰的42歲生日，老婆謝安琪（Kay）好有心，一早在社交網上載夫妻恩愛合照，並寫上愛的宣言，公開愛阿聰的原因：「聰，你知唔知我最鍾意你乜嘢？就係你肥👍🏻Happy Birthday 🎉琪❤️」看來相片是經過精心挑選，因為張相影到阿聰塊面有水腫，而Kay下巴尖尖依然靚靚，形成好大對比。
Kay話最鍾意老公肥。
張肥仔相擺明玩阿聰，但愛的宣言依然好sweet。
至於壽星仔就忙個不停，昨日（10日）已在社交平台預告會推出新歌，自言是賀自己生日，但送禮物給大家，hashtag：「首歌我想當禮物送俾大家，俾啲火俾啲能量你哋，自己生日送禮物比人哋，叫我岩布仙尼！」除自製宣傳短片，還晒出白只操刀的靚仔Chok相。今日又做叱咤訪問，透露相隔7年，將於今年4月再會開演唱會，不少粉絲都表示好期待，又叫他操肌，老婆Kay亦有睇直播兼留言：「練肥啲！」相信阿聰隔住個mon都感到好冧。
老友白只影嘅型仔相。
阿聰今日做電台訪問，Kay都有睇住。
阿聰宣佈開演唱會，Kay叫佢練肥啲。
立即下載 | 全新《星島頭條》APP :https://bit.ly/3yLrgYZ
