姜濤日前推出新歌《鏡中鏡》，前日（10日）他於IG限時動態貼出拍攝MV當日幕後花絮的短片。片中，姜濤與ERROR經理人濟哥討論何謂「高大上」，身旁的濟哥聽到一頭霧水，有工作人員問姜濤是否想指「高大衰」、「高富帥」（高大靚仔）等，但姜濤無奈表示：「你哋唔明，係一個term嚟。」並再重覆：「我話呢個MV 好『高大上』(高級…)」，不過現場人士似乎仍然唔明他的意思。
不少網民立即翻查網上資料，確實有「高大上」這個詞，意指「高端、大氣、上檔次」，網民都大讚姜濤可愛，令大家長知識，並笑言姜濤越來越多金句，可以做黎明接班人。昨日濟哥都有轉發姜濤條片，都話要買返本姜濤字典呀！
其實唔止濟哥，現場好多工作人員其實都聽唔明咩係「高大上」。
除了跟濟哥的短片，還有自己一個的片段。
濟哥係ERROR經理人。
濟哥 （右一）帶住ERROR令佢多咗人識，間中有廣告接添！
立即下載 | 全新《星島頭條》APP : https://bit.ly/3yLrgYZ
