由ViuTV《全民造星IV》參賽者挑選出來的女團，明日（12日）傍晚將於尖沙嘴舉辦出道記者會，偶像未出道，Fans先興奮！之前有男士因為另一半愛上MIRROR而感到被冷落，因而有男網民去年7月於facebook開設「我老婆嫁左比Mirror導致婚姻破裂關注組」群組，到現在成員已有超過35萬人，而呢班男網民就以「前夫」稱呼自己。
「我老婆嫁左比Mirror導致婚姻破裂關注組」群組原來已經有超過35萬人加入。
MIRROR嘅魅力令好多香港夫婦「婚姻破裂」。
《造星IV》三甲直入女團，仲有咩成員聽日就知嘞。
不過今日「前夫」決定反擊嘞！「我老婆嫁左比Mirror導致婚姻破裂關注組」版主已經開設新facebook群組「前夫反擊戰」，仲講到明：「3年啦！3年啦！大家都忍辱負重左3年啦！係時候啦！前夫們出擊啦！」個群組成立8個鐘左右，已經有超過1.6萬人加入，可見「前夫」的反擊嘅決心。
8個鐘有1.6萬人加入……
版主咁講！
「美國隊長」好專一㗎……
之但係唔知「前夫」份決心唔知維持到幾耐呢，因為某啲留言已經feel到「前夫」份怯嘞，已經入硬女團的《造星IV》亞軍Gao（沈貞巧）Fans提醒：「好多『前妻』入咗嚟，各位『前夫』要小心，反擊還反擊，留意前妻有冇買定玻璃！」希望「前夫」真係撐得住啦！
呢位「前夫」未反已怯！
睇唔睇得明？
「前妻」開唔開返個群組呀？
到底新女團實唔實現到「前夫」願望？定要等PS6呢？
立即下載 | 全新《星島頭條》APP : https://bit.ly/3yLrgYZ
