港男遭女友逼食嬰兒食品。網圖(示意圖)

不少人為減肥出盡法寶，近日一名男網民於討論區發文指，女友近日愛上吃嬰兒食品，稱較健康及低卡路里，甚至買了一堆嬰兒零食逼他一起吃。惟當該名網民淺嚐一口時才驚悉中伏。

該名網民於「香港討論區」發文指，女友近日愛上吃嬰兒食品，稱「BB都食得嘅野好健康，又低卡路里」，故購買了一堆嬰兒零食與他同享，「話我減肥想食零食，食呢啲就好」。樓主聞言後滿懷好奇心吃了一啖，結果「無味嘅，呃鬼食豆腐呀，淡味到爆炸」。樓主透露，女友因買了一堆嬰兒零食吃不完，故要求他幫忙「解決」，令他甚感無奈，「好想全部丟咗佢」。

帖文引起網民熱論，有網民笑言，「你叫佢BB，佢就真係當正自己係BB」，有網民則指「咁浪費呀，無咩味，但有無口感呀，其實食BB零食唔錯㗎」、「BB零食其實好貴，尤其係韓國果啲」。

資料來源：香港討論區

立即下載 | 全新《星島頭條》APP : https://bit.ly/3yLrgYZ