MIRROR的呂爵安（Edan）處男電影《闔家辣》即將上映，戲中獲前輩賜教演技，包括飾演其父母的鄭中基及梁詠琪（Gigi），當然還有飾演其姑媽的吳君如，令Edan放下偶包，將角色演得淋漓盡致。不過在MIRROR當中出名「唔易喊」的Edan在戲中要演繹一場生意失敗，愧對父母而爆喊的內心戲，當接到劇本Edan已感到很大壓力，他亦向君如透露十分擔心演出。
身兼監製及演員的君如在當天專程去到現場與Edan獨處培養情緒，教導Edan何打開自己的淚腺，最後二人更在鏡頭後爆喊擁作一團。儘管想上了珍貴的一堂，但拍攝前Edan依然忐忑不安，君如再親自示範如何進入狀態，鄭中基陪同圍讀試戲，Gigi更為Edan按摩肩膀助他放鬆心情，而Edan亦努力培養情緒，而現場所有人都默不作聲，以免影響。
劇情講到Edan生意失敗，在父母前痛哭。
君如親自到場教Edan點樣培養情緒。
Edan總算演出成功。
結果Edan順利完成喊戲拍攝，放下心頭大石說：「我對自己淚腺嘅存在一直都好疑惑，因為自己比較少喊同唔開心，所以當演出需要唔開心或者0喊時，自己都擔心係咪可以做到。其實我又不係首次拍情緒戲，《大叔的愛》都有拍過，但對我嚟講係唔合格，經過今次拍攝真係學咗好多嘢，經過十幾日嘅拍攝，到拍喊戲時已經放開晒。」
Edan跟Gigi都投入演出。
一拍完Edan總算鬆一口氣，鄭中基（左）同Gigi都為他打氣。
Gigi和鄭中基在戲中扮演夫妻。
Edan亦十分感激吳君如細心的教導：「前一日君如已經話會嚟幫我，佢仲叫我朝早空肚飲少少酒，的確係放鬆咗，拍出嚟的確有情緒，雖然好似冇咩流眼淚。我俾自己4、5分，勉強合格！我未係專業演員般咁揮灑自如，但我盡咗力，君如都收貨，我相信應該合格吧！」
Edan跟鄭中基（左）同是喜感十足。
兩母子感情好好喎。
立即下載 | 全新《星島頭條》APP : https://bit.ly/3yLrgYZ
