舒淇中台兩地飛咗兩年，1月6日終於返香港，兩年冇見兩隻愛貓，相信佢返到屋企應該日攬夜攬，攬足兩星期終於要開工，即係過年前大掃除。
搭飛機返港開心飲香檳。
舒淇一返到屋企狂影貓Po上IG。
都係影貓，仲話愛貓唔驚蜘蛛俠。
舒淇同馮德倫間屋有兩層，佢尋日執嘅係第一層，有兩間房，有個廳又有電視同一個矮櫃，其中一間房放滿鞋盒， 而矮櫃上擺滿好多「立雜嘢」，有三個水煲，有Figure，同埋一個金像獎，舒淇分別喺97年及99年拎過兩個最佳女配角同一個最佳新演員獎，唔知同水煲共存嘅係邊一個獎呢?然後喺廳中間有個行李箱，樓梯旁又放滿鞋盒， 如果執咗兩個鐘都仲係咁亂，馮太執嘢真係幾慢喎。
舒淇大掃除。
舒淇拍片話畀大家知，佢執咗兩個鐘都好似冇執過咁。
網民發現金像獎一個。
仲有行李箱。
樓梯底有好多鞋盒。
馮德倫都喺呢個位影過相。
貓貓同樣喺樓梯低影過相。
立即下載 | 全新《星島頭條》APP : https://bit.ly/3yLrgYZ
