1月25日，早上清涼，日間部份時間有陽光，未來幾日轉有幾陣雨，總之好似回南咁款。隔晚美股又嚟驚嚇過山車，俄烏戰雲密布，喺地緣風險下，美股早段急挫，俗稱恐慌指數嘅VIX狂升，道指一度跌逾千點，但低位有買盤入場，三大指數轉跌為升，倒升收市，單日波幅驚人。大型科技股早段受壓，但其有買盤入場，大部份都轉升收市。雖然女VIX急升至38.94後，升幅大大收窄落返30，但暫仍遠高於20嘅長期平均值，反映投資者仍傾向恐慌拋售，美股今晚兩晚議息，估計將會持續波動。

不過有華爾街報告分析認為，美股今年開局至今表現疲弱，主要受聯儲局可能加快收水步伐影響，但主流市場仍有資金流入，投資者上周向新興市場主題股票及發達歐洲市場投資了87.3億美元。至於港股近日面對美股深度調整，相對表現尚算穩定，至少24000水平收復後，似乎已企得穩，主要係港股早已先行調整，估值上已佔一優勢。而美股踏入業績期，估值偏高嘅公司調整較深，正面對高估值受到考驗。

美股大幅調整，主要係市場憂慮收水步伐較預期快，但睇返自1950年代以來嘅12個加息周期中，股市有11次取得正回報，平均漲幅9%。唯一例外係1972至1974年，當時碰上1973至1975年經濟衰退。另外，根據外媒的策略師平均預計，標普500指數今年可見4982點，比上周五收盤高13%。該指數在去年飆升近27%，連續3年取得雙位數回報。事實上，聯儲局今輪疫情所嘅投放口竹心資金規模是前所未有巨大，儘管今年開始加息，惟市場資金仍然充裕，利好資產價格。而今年投資主題將會環繞經濟復甦概念，只要盈利增長動力維持，股市表現唔會差得去邊，美國只要加息步代有序漸進，加息又唔係世界末日，其實又唔使太悲觀。

古天后

(徐狄怡，證監會持牌人)