黃子華、張繼聰及陳湛文等一眾演員，昨晚（24日）一起到佐敦為賀歲片《飯戲攻心》宣傳，他們齊齊寫揮春集氣，希望戲院能盡快重開，賀歲片能上映。張繼聰笑言自己去年有賀歲片上映，同樣因疫情影響要到年初七才能上映，笑言是有經驗之人。在旁的子華即笑言：「我前年有賀歲片喺年初一上映，初七就完，你上年年初七上映，變相今次我哋呢套賀歲片應該要年十四先上到！」子華慨嘆工作當然被打亂，但已習慣，這幾年大家適應能力高很多：「而家要活在當下，有句話導演提醒我，見步行步，雖然見步行步都要行得靚不靚。我而家有金句就係，雖然而家係躺平，但都要棟篤躺平，平得嚟都要撐住。」
黃子華（右起）、Stephy及張繼聰在戲中有三角關係。
眾演員發揮創意寫揮春集氣。
但睇唔睇到子華神寫咗咩呢？
張繼聰則稱希望戲院快些重開：「我當然都有影響，新年冇戲拍，咪喺屋企同仔女相處一下，好彩近年可以陪住個女成長，但而家回復網上上堂，我嘅惡夢又嚟，又要每日同佢一齊上網堂，下午就要睇佢啲功課，我覺得我工作量多咗好多，雖然唔使返工但要返學，我繼續返K2。」
張繼聰在家中陪囡囡一同上網堂。
子華（左起）、陳湛文及張繼聰戲中飾演三兄弟。
立即下載 | 全新《星島頭條》APP : https://bit.ly/3yLrgYZ
