快將踏入虎年，新春伊始，對於早前在TVB頒獎禮獲得帝后殊榮的譚俊彦和林夏薇而言，過去一年絕對是大豐收。承接着創下的佳績，兩人承諾觀眾在虎年會愈戰愈勇，力求突破，回饋粉絲。今個農曆年會落重本準備好加碼利是，皆大歡喜。二人在事業上努力拼搏的同時，也公開感謝背後另一半默默支持。譚俊彥已為兩孩之父，希望工作上有更好回報；相反林夏薇則暫未有意生「虎B」升格母親，選擇繼續搏殺，在工作與家庭之間努力學習平衡。
撰文：卓寶花 攝影：朱偉彥
譚俊彥（Shaun）和林夏薇今年勇奪「視帝」、「視后」寶座，過去一年實力和努力有目共睹，得獎後心情固然興奮，但之後各自都返回工作崗位開工，美好印記畢生難忘。林夏薇憶述獲獎之時腦海裏空白一片，翌日即要投入拍攝新劇，連日更要通宵開工，沒有好好慶祝，但不斷收到各方好友祝福，感覺好似「發咗一場夢」，夢醒就繼續工作。薇薇透露，老公反而比她更感動，他平日不算是感性的人，當晚竟然喊了出來。
譚俊彥沒白費多年努力，今回視帝之戰贏盡天時地利人和，「封帝」絕對實至名歸，他坦承：「有少少個腦飄吓飄吓嘅感覺，突然覺得變化好大。」在獲獎後除了開心興奮亦如釋重負，「放鬆了1億倍、1千倍，因為我想achieve（達到）已經達到，現在應該放鬆enjoy，好多朋友都祝福我。」會否先休息陪屋企人？他說：「當然想陪家人啦，但好想快點返回崗位和同事一齊拼搏，好難得一班支持我的人，如導演、場務個個都攬住我，好想返去工作。」
情緒大起大落
兩人同聲指去年是大豐收的一年，未來承諾努力回饋觀眾，薇薇有感去年對她好特別，演員遇到鍾意角色好難得，可遇不可求，能令觀眾有共鳴就更難。她說：「去年兩套劇中，《逆天奇案》有好收視，《七公主》有大迴響。中間我隻愛犬病了，心情好大起伏，明明值得高興又唔開心，之後狗仔好返，又有bonus攞了一個獎，成為鞭策自己的動力。攞獎只是一個好開始，往後更加要努力，不想令支持我的人失望。」譚俊彥自覺成績超出預算，笑稱不知為何監製會找他演喜劇《失憶24小時》，造就他與郭晉安成為一對，之後《換命真相》中又和朱敏瀚成螢幕CP，激起的化學作用大受歡迎。
炮製家鄉過年美食
踏入虎年，兩位出爐「視帝」、「視后」各有展望，先是二人宣布今年利是加碼，並異口同聲說：「梗係要，今年係開心事，有充足準備，大家開心攞多封。」農曆新年大家都會在工作中度過，各有不同傳統習俗迎新春，林夏薇每年都會親自買桃花、蘭花布置家居，非常享受埋首在家裝飾布置的過程，特別是親友來到家裏拍照時特別開心，既有成功感，也喜歡這種節日氣氛。
譚俊彥窩心表示要尋找家鄉風味，希望煮出婆婆的味道給下一代，每年農曆新年都親自下廚炮製蛋角、烤麩、獅子頭、紅燒肉、薰魚等美食，從而培育小朋友認識家庭傳統習慣，暖男廚神原來由小開始培養出來的。
未有計畫做媽咪
薇薇與丈夫結婚近7年，外界經常關注兩夫妻何時成功造人，不過現年34歲的薇薇依然事業心強，不停拼搏，有否計畫生虎B做人母呢？薇薇直言：「冇諗呢樣嘢，來年工作排得比較密，工作為先，好多謝屋企人畀好大支持我，啲人經常問我點樣平衡屋企同工作，我之前一路想學平衡，真係要另一半好體諒，互相包容，單方面難以做得到。」獲獎後薇薇得到老公鼓勵工作，她公開多謝老公支持，並承諾：「除了拍劇之外，有時間會陪多啲老公，陪下屋企人。」
譚俊彥已為兩孩之父，早已兩個夠晒數，他無怨無悔為家庭奔波，由太太肩負照顧家庭重責任，他說：「我攞咗個獎佢先擺低小朋友陪下我，我哋共通點係另一半都好支持我哋工作，等我哋可以好專心做嘢攞到成績，關係要維持，希望有時攰會有拗撬，可以互相包容。」
帝后擬合作迎挑戰
譚俊彥和薇薇一夜間身分地位三跳級，薪酬隨之躍升，可惜疫下未能衝出香港搵外快，二人同感可惜。譚俊彥坦承有工作損失，薇薇本來有登台亦臨時告吹，所有活動均被取消。譚俊彥十分掛念馬來西亞觀眾，因為在當地有很多第一次，包括首次個人演唱會以及最後一套電影也在當地拍攝，有很多事值得回憶。薇薇笑言無論得獎與否，從來冇加過價，譚俊彥就反駁：「又唔好咁講，某程度上會穩定咗，我之前都講過，想攞獎係想有穩定收入，我相信會有回報，收入比以前更加穩定，但係咪多好多？我哋大家都係同一個機構，總之會繼續努力啦。」
兩人各自投入工作，薇薇正開拍新劇《法言人》，飾演律師角色，有很多專業名詞及超長對白要記，考演技同時考記憶，繼去年兩劇後，她希望再有突破，讓觀眾再一次見證她成長，來年或會與香港話劇團合作，重拾演話劇趣味。譚俊彥正積極準備投入下一個角色，對他來說無論體力或精神上都極大挑戰，作為演員就是期待好時機有所發揮。帝后兩人來年有意合作切磋演技，最好富有挑戰性角色，薇薇大讚譚俊彥是很有內在的演員，譚俊彥笑言自己精神分裂，「角色起伏好大又好想試，之前同陳山聰拍《18年後的終極告白》時好沉重，大家都想快啲拍完，再投入落去好易出事。」令薇薇憶起演出《七公主》時因角色太沉重，每日都無顧落淚，非常唔開心，持續半年，返到屋企和老公要分房瞓，驚影響到對方。
原文刊於《星島日報》名人雜誌（逢周日見報）
立即下載 | 全新《星島頭條》APP : https://bit.ly/3yLrgYZ
