戴祖儀（Joey）在TVB熱播劇《青春不要臉》中飾演星二代溫楚瑜，當中有不少火辣場面，除與男友齊輕舟（丁子朗飾）有連場咀嘴戲外；周四（27日）播出的一集，她瞞住男友為《神鵰俠侶》姑姑（伍樂怡飾）做裸體替身，在鏡前大騷白滑裸背！
不少人都覺得Joey今次好大犧牲，如果真如戲中半裸演出，飾演楊過的余德丞就會「乜都睇晒」！不過，Joey今日就在社交網上載拍攝當日的正面相，原來胸前已用牛皮封箱膠紙貼實，雖然好穩陣，但背後卻有苦自己知。
溫楚瑜要代替妍妹半裸演出。
好多人以為呢場戲，戴祖儀係半裸演出。
劇中戴祖儀騷白滑裸背。
《神雕俠侶》經典一幕。
Joey寫著：「本身影依張相，係想記錄自己用好多張黐力100000+既牛皮封箱膠紙貼在身上5+小時，感受到皮膚開始死亡，以及準備撕下來的強烈痛感前拍下留念～估唔到，而家要用作解釋和澄清用途。首先感謝各位記者朋友嘅報道，以及親朋戚友的關心，和各種問答大會，我並沒有全裸上身啦！大家請放心，所有東西都黐得很好，很安全，黐到皮膚都快死掉了！」江嘉敏留言：「望到都痛」，Joey亦有回覆：「感受到古代脫毛的苦。」
伍樂怡飾演姜之妍，因為係一線阿姐，所以搵替身代演。
戴祖儀話用牛皮膠黐足5個鐘，撕嘅時候真係好痛。
《青春不要臉》口碑不俗，戴祖儀亦人氣急升。
劇中同齊輕舟係情侶。
立即下載 | 全新《星島頭條》APP : https://bit.ly/3yLrgYZ
