葵涌邨多座大廈早前成為疫情重災區要圍封強檢，大批居民被下「禁足令」；至昨日早上7點，映葵樓及夏葵樓解封，不少居民終於可以呼吸自由空氣。有街坊接受傳媒訪問時，明嘲暗諷政府安排差劣，盡顯黑色幽默，爆出多句金句，獲網民瘋傳。
有夏葵樓居民受訪時「讚賞」政府於安排膳食時「溫度控制得好叻」，笑指早午晚3餐「早嚟遲嚟都係凍嘅」，又舉出其中一款飯盒咖哩豬扒飯，有不少長者都反映太辣及太硬，指「食唔到」，又批評社會福利署未有跟進有關事件，「冇人理過老人家，唔得㗎嘛！」。
另外，有居於映葵樓的居民以形容多日的禁足生活，直指「好慘呀好悶呀，好慘呀啲生活真係，仲衰過坐監呀！」，又指經過多日家居隔離後，「以後我都唔好再犯法啦真係，原來坐監仲慘呀真係」；亦有街坊描述心情時表示「梗係興奮啦，咁大個仔都未試過俾人困住咁多日」。
不過，亦有居於映葵樓的居民認為政府的安排妥當，大廈解封令她「心情好開心」，指禁足多日在家大掃除，故時間過得很快，又認為政府安排非常好，指「起碼包早午晚三餐，同埋檢測完有小禮物」。她又指，大廈圍封多日後明白自由的可貴，「最辛苦係無自由，原來自由係好緊要，呢7日其實都有啲好似坐監咁」。
網民紛紛留言笑說居民的意見及感想非常中肯「抵死」，尤其是「明讚實彈」的受訪者，「伯伯好野， 竟然可以化憤怒為輕煙，一吹而散」、「真係佩服呢位伯伯居然可以用如此良好嘅心態面對，睇嚟我都要多多向佢學習」、「真心態度語氣不溫不火，但帶出重中之重」。
立即下載 | 全新《星島頭條》APP : https://bit.ly/3yLrgYZ
有居民「讚賞」政府安排膳食「溫度控制得好叻」，笑指早午晚3餐「早嚟遲嚟都係凍嘅」。網圖
有街坊形容多日的禁足生活「衰過坐監」。網圖
有居民指「咁大個仔都未試過俾人困住咁多日」。網圖
有居民指大廈解封令她「心情好開心」。網圖
