張致恆（Steven）跟fans區燕雯（雯雯）在2019年奉子成婚，之後被踢爆一腳踏幾船，兼向不少圈中人借錢未還，難得雯雯對Steven不離不棄，更為他誕下兩個兒子，分別是2歲張天寶及1歲的張天牧。
本月27日，雯雯突然在社交網宣佈離婚，寫道：「分開不代表完結，只是讓大家過得更好的。今天我們正式離婚了，我也真心祝福你能夠幸福。」事隔3日，事情又有戲劇性發展，Steven似乎箍煲成功！
Steven上載一家四口全家福，承認自己犯錯，並冧爆跟老婆講我愛你：「人嘅一生中總會犯唔同嘅錯，感情事、工作事、家庭事、友情事，但係最重要係犯錯過後點樣去反省改過繼續行前面嘅路，多謝老婆係呢兩年幾嘅日子包容我犯嘅錯，經過呢幾日同老婆嘅溝通，我哋決定繼續一齊行前面嘅路，兩夫妻有好多嘢要學習，仲有好長好長嘅路要大家一齊學習，好好咁樣愛下去！ I love u區燕雯。」不過，Steven之後又好快手刪了「I love u區燕雯」這句，並改了「一家五口好好咁樣愛下去！」似乎暗示雯雯懷孕有第3胎，家中將添新成員。
不過，雯雯就未有更新社交網，未知是否真的原諒了Steven，還是男方單方面宣佈復合？
張致恆話要多謝老婆係呢兩年幾嘅日子包容他犯嘅錯，溝通後決定繼續行前面嘅路。
喺最初時候，係有「I love u區燕雯」呢句，之後刪咗，唔知又發生乜事？
二人育有兩子。
雯雯日前單方面宣佈離婚。
立即下載 | 全新《星島頭條》APP : https://bit.ly/3yLrgYZ
