任賢齊今年因為拍電影，故留港過年，雖然工作忙碌，不過一向有心的他也不忘fans拜年，今年小齊更找來一班香港認識的電單車愛好者，一起拍攝他自家頻道的賀年短片，找來27部電單車砌了一個大「福」字，祝福全世界疫情早日遠走，人人身體健康。
在港認識一班同樣熱愛電單車的發燒友。
用電單車砌成一個福字。
去年小齊認識一班像他一樣的香港電單車發燒友，更被邀去參觀過香港的電單車節，他才驚覺原來香港也有這麼多熱愛電單車之士，而且更有人收藏幾百架古董電單車，讓他嘆為觀止。小齊認識這班志同道合的朋友後忽發奇想，不如一起嘗試用車砌個「福」字，在虎年給大家送上祝福，他謂；「真係好多謝呢班朋友，因為要就我開工時間，所以好早就叫佢地出嚟幫手拍呢條賀年小短片，拍片時先知佢哋唔單止玩車，更早於2017年已經成立咗『「義騎行動』一齊去做善事，派物資助弱勢社群，佢哋上年約我聖誕節扮聖誕老人坐電單車去派物資畀老人家、小朋友，可惜我開工參與唔到。將來有時間我都準備一齊參與。」眾人本來又想再約農曆年前送禮物給長者，但因又疫情突然再爆發，結果被迫取消。
小齊指能在港認識志同道合的朋友，十分開心。
希望疫情盡快消失。
小齊指今年不能回台灣過年，他唯一遺憾是早前爸爸九十歲大壽他未能參予，所以目前最希望是盡快拍完新戲《九龍城寨》，讓他回台拜見父母，小齊初步估計下月中將完成他的戲份，希望屆時順利回台。
小齊希望下月中可以回台為老父補祝生日。
立即下載 | 全新《星島頭條》APP : https://bit.ly/3yLrgYZ
