張致恒（Steven）和老婆雯雯，兩公婆近日分別宣佈離婚、箍煲成功宣佈復合兼疑似再有喜，進展峯迴路轉，稍一漏睇po，隨時未知他兩公婆最新狀況如何。雯雯昨晚（31日）在IG限時動態貼出一家四口相片，她表示：「擔心我的朋友們，原諒我冇逐一覆你哋，我還好，的確曾經想放棄，但既然選擇得呢段婚姻、選擇得帶小朋友嚟呢個世界，或者我係應該有責任再努力一次、再堅持一次。我相信我哋兩個再一次上咗一課，亦會從成長中學習包容、體諒、愛惜。我哋一家五口定會變得更加強大，冇咁輕易畀任何野（嘢）打沉，更加努力去生存，每日都係笑住去行前面嘅路。」親口承認不離婚及的確再有B，希望雯雯和Steven在虎年恩恩愛愛，不要再輕言放棄。
日前雯雯表示會跟Steven離婚。
及後Steven留言指箍煲成功兼透露老婆又有B。
昨晚雯雯親自認已跟Steven和好及有第三個bb。
真的希望Steven和雯雯可以一同行下去。
立即下載 | 全新《星島頭條》APP : https://bit.ly/3yLrgYZ
