陳展鵬昨日（3日）年初三於IG分享與女兒小豬比的合照，作狀互相用藤條「開年」，相當搞笑，相信係早前一家三口影全家福時拍的。前日（2日）陳展鵬透露小時候影全家福是每年的指定動作，當他長大後有段時間覺得這種習慣有點老土，不過現在大家流行打卡，新一年好開始，他一家三口特別穿上中式服裝到影樓影相留念。早前有指單文柔（Phoebe）肚凸凸疑有喜，不過當事人仍未宣佈好消息，穿上旗袍的單文柔不知刻意還是無意，幾乎張張相都遮住個肚。
陳展鵬日前晒全家福，老婆Phoebe已經遮住個肚。
而陳展鵬昨日（3日）分享的與女兒「小豬比」的合照，相中展鵬竟手執藤條指向小豬比想「開年」咁款，並留言：「究竟現在小朋友乖咗？定係以前小朋友特別曳？聽講幫小朋友開個年，自然就會聽話啲。」其實展鵬點捨得打小豬比，見他微笑望住小豬比，只為搞笑。之後輪到小豬比手執藤條指向他，展鵬還跪地扭耳仔認錯，夠晒溫馨搞笑。他寫道：「打就要認，錯就要企定，大人細佬一視同仁，咁至公平，未來管家婆！」
陳展鵬本身扮到想幫小豬比開年咁款。
陳展鵬身為女兒奴，呢張扮嘢相好似合理啲！
陳展鵬笑小豬比係未來管家婆。
立即下載 | 全新《星島頭條》APP : https://bit.ly/3yLrgYZ
