黃偉文（Wyman）仲喺英國未捨得返香港，明嘅，當諗到返港要隔離21日真係萬般不願。衰嘢唔好講，Wyman喺英國遇到好多第一次，包括「人生第一次去呢種『乜嘢都十倍咁大嘅市郊貨倉式Superstore 』，係大開眼界嘅！」
作為購物狂，Wyman話有咩未買過，但今次搵到終極目標，就係一間屋。原來呢間貨倉式超市有得售賣放喺花園嘅屋仔，咁好明顯佢係講笑嘅，買咗運返港都麻煩啦。見佢拎起好多恐龍Size嘅奶茶沖劑、喼汁、麵包同麥提莎醬，唔知係佢有買定只係拎嚟影相，不過最後佢出咗個Story，讚個麥提莎醬，「係好X好食嘅」。
購物狂Wyman搵到終極目標，就係呢間屋嘞。
好大袋奶茶沖劑。
好大袋麵包仔。
好大支喼汁。
好大樽麥提莎醬。
試食報告係好滿意嘅。
而煮嘢食好叻嘅梁祖堯見到支巨型喼汁都生滋貓入眼，話好想整個巨型山竹牛肉配吓喎。
祖祖對支巨喼汁好有興趣。
立即下載 | 全新《星島頭條》APP : https://bit.ly/3yLrgYZ
