ViuTV《IT狗》前晚（4日）播完大結局，題材貼地、搞笑得嚟又有深度，加上起用大量新演員擔正都獲網民大讚，更有網民希望導演簡君晋用原班人馬再開劇。劇集大獲好評，各演員都在IG分享感想，導演簡君晋昨日（5日）也在IG打感想及分享結局後開live、第一次與演員圍讀及考察start up的片段。
《IT狗》前晚（4日）播完。
《IT狗》導演簡君晋於IG出Po講感想。
簡君晋於IG表示由執導的第一套電影《當C遇上G7》至今已經10年，過往與很多project擦身而過，今次之所以拍得成《IT狗》，其實都係多得老友羅耀輝一句：「要唔要試吓俾故仔ViuTV？」最後促成與ViuTV的合作。簡君晋稱：「上一次記招遇見魯生，親口向佢道謝，魯生反而好客氣咁向我哋團隊講多謝，仲同我講佢睇rough cut嘅時候已經幾鍾意，感謝魯生鼓勵及ViuTV提供咗一個舞台俾我哋。 」另外他也很感謝一眾幕後人員。
簡君晋執導的第一套電影是《當C遇上G7》。
他又特別多謝飾演主角葉念信的凌文龍：「佢擔當起帶領觀眾體會《IT狗》世界嘅重任。記得當初差啲因為撞期而無法演出，佢又擔心過自己寂寂無名，冇辦法擔當一套劇集嘅主角。其實我哋成個班底都係寂寂無名，經驗都未夠，多謝佢信任，當佢應承咗出演，佢真係會完全地付出，感染每一位演員及工作人員。」他因拍《IT狗》多咗一班好朋友，笑言希望唔好咁快反面！最後亦多謝觀眾。
簡君晋好多謝凌文龍擔當起帶領觀眾體會《IT狗》世界嘅重任。
創作團隊都出咗好多力。
簡君晋分享當初圍讀時的影片。
前晚（4日）一齊開Live。
立即下載 | 全新《星島頭條》APP : https://bit.ly/3yLrgYZ
