鄭欣宜（Joyce）和樂隊Nowhere Boys主音陳維諾（Van），分別主唱「寰亞電視」新劇《家族榮耀》的主題曲《分岔路》和片尾曲《我們都是這樣長大的》。日前他們與戲中「馬家大少奶」熊黛林（Lynn）和她戲中兩位囡囡「招娣」劉沛蘅（Hillary）和「來娣」潘藝桐（Pearl）開LIVE唱歌和玩遊戲，歡度新年。
Lynn對Joyce說：「你完全唱出戲裏面我哋嘅感情，每次聽都好有畫面。尤其是你唱『情感散落路邊野花』嘅時候，我個腦就會出現黃浩然（戲中二少爺）同個小三嘅畫面、仲諗起佢老婆阿怡（楊茜堯），心情都好激動。」Joyce 手舞足蹈地說：「我唱呢首歌嘅時候，諗返細細個成日睇呢類劇集，嗰啲掌摑呀、開開吓會成杯水潑去對面嗰個人塊面度嘅情景，我將嗰啲感覺全部放入首歌。」而Hillary表示很喜歡Van唱的片尾曲《我們都是這樣長大的》，與鄭秀文（Sammi）唱的版本感覺很不一樣 。Van說：「其實我好大壓力，Sammi原唱版本太好聽，呢首歌真係好難唱，冇位抖氣，Sammi真係好犀利！」
欣宜為新劇《家族榮耀》唱主題曲《分岔路》。
Lynn讚欣宜唱出戲裏面佢哋嘅感情，每次聽都好有畫面。
Hillary同Pearl都有合唱。
接受訪問時，Van表示這個農曆新年期間吃了五盆蘿蔔糕，Joyce聞言O嘴大叫「What？」她說：「我好叻，忍到口，一啖都冇食過，去拜年就不停剝開心果迴避，只係飲咗好多功夫茶和咖啡，哈哈！」她還分享錄《分岔路》時的趣事，說：「錄音當日，我帶咗雪糕和薯片慰勞現場工作人員，點知個個都話等埋我錄埋歌一齊食，其實我都唔食得，結果雪糕溶晒，好彩用薯片蘸嚟食都好好味！」
Lynn與戲中兩位囡囡。
Van（左一）翻唱Sammi歌曲感壓力。
立即下載 | 全新《星島頭條》APP : https://bit.ly/3yLrgYZ
