林夏薇上月剛憑《七公主》奪得《萬千星輝頒獎典禮2021》最佳女主角後，現正忙於拍攝新劇《法言人》。在接受TVB娛樂新聞台《Star Talk》專訪時，談到宣佈得獎一刻，薇薇坦言當時腦子一片空白：「真係好難形容，我呢世都會記得嗰刻嘅感覺。」
林夏薇上月首奪視后。
入行轉眼已十多年，薇薇於北京中央戲劇學院表演系畢業，並一步步慢慢捱至今天的成績，薇薇好記得當年由沒對白的臨時演員，去到同主角有一兩句對白，再由配角去到主角，「所有呢啲畫面都歷歷在目，好似時間停頓咗咁。我當時上台攞獎其實好想表達畀媽咪聽，好彩我嗰時冇放棄。」
林夏薇得獎感受難以形容。
薇薇指當晚站在頒獎禮台上，腦子裏閃過了當年為內地劇《手機》「跑龍套」時，與當時已是內地一級演員的陳道明的互動畫面：「當時我係臨時演員，好榮幸可以同陳道明老師有對白，我係負責演參賽嘅選手。拍嗰時我喺台上，陳道明老師喺台下；當鏡頭調轉要拍番老師佢哋時，台上其他（臨時）演員走晒、得番我，咁我咪畀完A（反應）再畀B同C（反應）咯。跟住陳道明老師就讚我好專業，佢話：『你咁細個，都識得要留喺度畀對白。』佢嗰日加咗戲畀我，仲教我應該點樣做反應。嗰日我明白到更加要堅持演員呢個夢想，無論係幾細嘅角色，努力係會畀人睇到㗎，同埋就算唔係拍緊你，都一樣要專注。」談到演員初心，薇薇更邊說邊含淚哽咽，相當感性。
現正拍攝《法言人》。
對於贏得視后後備受爭議，薇薇回應謂：「個獎對於我係好嘅開始，係一種鼓勵同肯定，佢係鞭策緊我嚟緊要做好每個角色嚟到回饋觀眾。其實嗰晚我好感動，我收到好多電話同訊息，有啲訊息仲要好大篇文，反而我啲朋友好擔心我，然後我因為咁先留意到原來有人咁覺得，因為嗰一刻真係太多嘢要處理。」
接受TVB娛樂新聞台《Star Talk》專訪。
立即下載 | 全新《星島頭條》APP : https://bit.ly/3yLrgYZ
