憑著超高顏值極速上位的魏浚笙（Jeffery）， 日前在陳志雲的《Stephen．傾》節目擔任嘉賓，大談愛情觀及與家人關係。他透露小時候經常被爸爸用籐條打，所以好怕爸爸，後來父母離婚，父子關係反而變得更和諧，他說：「佢搬出去時，我同哥哥都好開心，都喺度笑，但當佢真係要走時，我都有唔開心。喺我讀中三時，爸爸信基督教後，就鍾意用說話說服人，而家我哋係朋友，佢就好似我人生導師咁，幫我分析好嘢。」
Jeffrey是阿正「迷戀」對象，被封新一代男神。不過，曾經是接近200磅肥仔的Jeffrey，似乎沒有太大自信，不覺得自己靚仔，在節目中說：「由入娛樂圈開始冇話自己靚仔，我覺得一般，如果我叫靚仔，咁碧咸嗰啲叫咩？吳彥祖、陳冠希、金城武嗰啲先叫靚仔。」他自言最滿意自己眉骨T字骨夠深邃，但就不喜歡自己「個鼻成個波」，每次打邊爐都會吸好多味精，而變大鼻仔。志雲問他靚仔有甚麼著數？他即煨Sir上身，答得單純又可愛：「買菜會多條蔥。我成日買餸，喺大埔街市。」他坦承與女友Evelyn已去到同居關係，平時女友煮飯，他就負責買餸和洗碗，唔使女友操勞，非常sweet。
現年23歲的Jeffrey與比他大四年的女友Evelyn拍拖6年，他表示被對方的內涵吸引，而且是一見鍾情，他說：「覺得佢好叻，出口成文，用成語溝通，嗰時諗佢係咪老師，教中文。」最初與女友溝通有困難，但慢慢協調出方法：「我又變返有啲文化，佢又正常返啲。佢識我時好文縐縐，我鍾意佢文縐縐，唔知呢，係感覺。」
Jeffrey不擔心公開感情會影響事業，他Man爆表示：「我以前都冇諗過入行，因此冇諗過避忌，即使避忌都冇用，大家一定知。而且要對另一半有承諾，冇人想做另一半要做到要匿匿埋埋。身為一個男人，要公開同保護。」他有信心二人感情不會變，大讚Evelyn是「萬能」女友，除了是他的經理人和化妝師外，更一齊開聯名戶口，問到幾時結婚？他秒回：「我想呀，一直都想！我想喺佢30歲前結婚，但佢覺得好早。（仲有2年？）3年，但佢唔想咁快，希望我做好工作先。」Jeffrey坦言已想過如何求婚，希望屆時可在外國向女友求婚，並製作成紀錄片。節目中，Evelyn一直在鏡頭外陪伴，Jeffrey不單公開愛的宣言，最後還唱出Dear Jane的《不許你注定一人》送給女友，大放閃光彈！
更多第5波疫情資訊，請到以下專頁瀏覽（按此）
立即下載｜全新《星島頭條》APP：https://bit.ly/3yLrgYZ
