疫情急劇惡化，醫院爆煲下，任職公立醫院急症室的護士阿翎（化名）受訪時直言近日「發夢都返緊工」，入院病人「不斷地加，有時候係一對一百個病人，呢個時候都唔知算唔算得上係有人照顧住佢哋」，同事間多人感染新冠病毒，士氣低落，甚至「個個都想快啲中Covid，就算點都好過返工」。阿翎認為輕症患者可留在家中休養，減輕醫院負擔，提議政府可以派發藥包，供人依書服用，減少傳播風險。

阿翎提到平常病床爆滿時，會臨時使用輪床，然而疫情爆發至今，阿翎提到不但「所有等待入院嘅人都係瞓緊輪床，而家係連輪床都無晒，尋日有人係瞓緊救護車擔架床」，形容「嗰啲床係窄過一個肥佬」。阿翎昨目睹新冠患者已輪候四日仍待送上病房，更曾見過有室外輪候人士心臟驟停。阿翎反映現時入院病人數量「不斷地加但係無得散，有時候係一對一百個病人，呢個時候都唔知算唔算得上係有人照顧住佢哋（國際標準為一比四至六）」，而且所有滯留病人均為自理能力較差的老人家。

阿翎續指目前已經有八位同事感染了新冠病毒，令人手更加緊絀，情況「嚴峻到有人返工嗰八個鐘都無休息過」，全程穿全套保護衣和N95，「無飲過水去過廁所」。阿翎還憶述曾有多位確診女士包圍護士站，威脅「如果你哋唔畀我上病房，我就除口罩」，加重了前線醫護感染風險。

阿翎近日一直感受到極大壓力，「我自己發夢都返緊工」，全部醫院爆煲，所有同行同事都在社交媒體上抱怨醫管局不負責任。阿翎嘆道「其實好大無力感，因為好似無論點做都做唔完，同埋點做都幫唔到啲病人」，更有部門主管值更時需要二十四小時全日工作。

阿翎認為政府不應再呼籲市民用快速測試套裝驗到陽性便到急症室求醫，因為確診者中不少為無症狀患者，可以留在家中休養或輪候進入隔離營。

阿翎預計短期內情況不容樂觀，未來只會愈來愈多人染疫，醫療體系將無法承受，阿翎提議政府可以派發藥包，供人依書服用，減少求診時的傳播風險、醫療和行政負擔，讓重症患者適得其所。

星島法庭記者  陳子豪

 

更多第5波疫情資訊，請到以下專頁瀏覽（按此）
立即下載｜全新《星島頭條》APP：https://bit.ly/3yLrgYZ