林欣彤（Mag）今日在社交網發，自言懷疑染疫，並貼上兩款快速測試劑結果照，其中今日用的脷底式快速測試劑呈陽性，並指跟她同住的人亦告確診。Mag稱日前已有病徵，「我連續幾日用同一個方法/牌子嘅test kit去測（係撩鼻嘅方式，我簡稱佢為A），keep住check到係陰性。我琴日同今日病徵嚴重咗，再用A去test，都係陰Negative，然後我再用另一牌子去試（係放脷底嘅，我稱為B），Test到係陽性Positive。」
Mag續謂：「我推測可能我今日之前已經係陽性，不過A check唔到，但用A check我同住嘅係陽性positive嘅人，A係check到嫁。結論：A喺我身上唔work，但喺其他人身上work；B就喺我身上work（我啱啱係喺同一時間一齊用A同B）。」她表示將用政府的樽仔拿去檢測確定是否真是陽性，再跟大家跟公佈。
Mag隨後回應記者查詢，稱：「前幾天覺得喉嚨痛及頭痛，所以有做快速測試，頭幾日check了都是陰性，直至今日才check到陽性結果。所以已經搵人幫手拎政府嘅樽仔再做化驗。知道醫療系統最近都非常爆滿，所以這幾天都一直留在家中自我隔離及休息，沒有出門或接觸其他人。希望大家都保重身體，多謝關心。」
林欣彤貼文全文：
我今日用self test kit check到陽性
如果你有病徵
我建議大家用self test kit
唔好淨係用同一方法/牌子
·
前幾日其實我都已經有病徵
我連續幾日用同一個方法/牌子嘅test kit去測（係撩鼻嘅方式，我簡稱佢為A）
keep住check到係陰性
·
我琴日同今日病徵嚴重咗
再用A去test，都係陰性Negative
然後我再用另一牌子去試（係放脷底嘅，我稱為B）
Test到係陽性Positive
·
我推測可能我今日之前已經係陽性
不過A check唔到
但用A check我同住嘅係陽性positive嘅人
A係check到嫁
·
結論：A喺我身上唔work，但喺其他人身上work；B就喺我身上work
（我啱啱係喺同一時間一齊用A同B）
·
所以我建議大家如果覺得自己有病徵，想check
可以試下用唔同方法嘅test kit去check呀
唔好一直用同一個
·
我將會用政府嘅樽仔去check
睇吓我係唔係肯定陽性(?)
再update大家～
希望幫到大家💓各位好好保重
更多第5波疫情資訊，請到以下專頁瀏覽
按此
立即下載 | 全新《星島頭條》APP : https://bit.ly/3yLrgYZ
