樂隊ONE PROMISE的鼓手馮卓然（Anton）日前宣佈染疫，疑因傳染林欣彤（Ｍag）而牽扯出三角戀。有指Anton背拍拖7年的女友Christy戀上Ｍag，不過今日Anton就大方認戀Ｍag，並澄清女友不是第三者，自己是與Christy分手後才與Mag拍拖。又稱因前度是圈外人，不希望對方因為此事受輿論壓力。
Anton與Mag去年已傳緋聞。
因為齊齊染疫，而被爆戀情，Anton今日已公開認愛。
但其前度Christy似乎不想低調，今日睇到Anton與Mag的新聞後，於IG限時動態分享Mag老友許廷鏗歌曲《殘忍》，憑歌反擊暗示戀情有第三者，又打埋歌詞表心聲：「擠迫的關係之中肯定一個要淘汰，從來從無犯錯，而離場仍是我。」似乎暗指與Anton不是和平分手。
前度Christy Po IG限時動態訴心聲，暗示不是和平分手。
其實睇返Christy的IG，早於上月底就曾發文訴心聲，「呢段找回自己嘅日子裡，不斷用忙碌充實住自己，但每天照顧Captain（愛犬）嘅事卻從不假手於人，因為每天嘅親子活動時間，是我最珍惜嘅時光。」又稱與愛犬互相陪伴、互相支持，而她這段日子就經歷了艱難日子。更自己帶愛犬露營，「讓單親嘅佢感受到雙倍的，製造更多開心美好嘅母子回憶。」擺明宣佈與男友Anton已經分手，拍拖時共同養的愛犬「撫養權」相信是歸Christy。不過Christy啲hashtag先係重點：「多的是你不知道的事，一定要好好防患未然。」似乎早已暗示與Anton分手，全因第三者介入。
有指Christy與Anton拍拖7年。
二人拍拖時養的愛犬，而家變咗單親毛孩。
相信愛犬「撫養權」歸Christy！而她呢個Po都有好多暗示！
Christy嘅朋友都紛紛留言為她加油。
至於相信是由二人共同經營的狗隻訓練頻道及IG都仲有Keep住出Po，不過由於Anton是專業狗隻訓練員，所以基本上都是Anton與愛犬的合照較多，似乎雖然已分手，但Anton仍有間中與愛犬見面。
二人共同經營的狗隻訓練IG Page仲有出Po，Anton仲有見吓愛犬。
Christy一直為Anton的狗隻訓練頻道出心出力。
愛犬慘變單親狗，希望狗狗唔好因為生活有改變，而影響心情啦！
更多第5波疫情資訊，請到以下專頁瀏覽
按此
立即下載 | 全新《星島頭條》APP : https://bit.ly/3yLrgYZ
