毛舜筠現身在加拿大，昨日（20日）李婉華在其YouTube頻道直播訪問毛姐，當中毛姐大談跟幾位MIRROR成員包括姜濤、呂爵安（Edan）、盧瀚霆（Anson Lo）及柳應廷（Jer）合作拍電影《阿媽有咗第二個》及《過時過節》外，又談到往來香港及加拿大之間的難忘隔離經歷。
毛姐去年尾趁拍完電影，與老公區丁平飛到加拿大與兩女一家團聚過聖誕，她又說笑加拿大是「危險國家」，不過以她目測，打齊兩針的朋友就算不幸染疫，病徵輕微，希望香港人不用擔心。毛姐提到計劃回港時，絕對是「惡夢」連連，她透露原本1月5日就回港，可惜政策不斷更改，至今已合共訂了四次機票和隔離酒店：「一程機票可能要5萬到7萬蚊，再加埋隔離酒店，可能要4千幾蚊，兩個人就加埋都10萬，到真係訂到一間鍾意嘅酒店，但又冇咗！」毛姐笑謂可以做travel agency幫人處理回港行程。
接着毛姐分享去年與幾位鏡仔合作經歷，兩人談到興起，皆因李婉華是「神徒」。毛姐在《阿媽》中跟姜濤和Jer合作，她形容姜濤除了是偷拍高手，亦是「問題兒童」，經常發問無厘頭及刁鑽問題，他試過追問看姐：「如果有部戲要你剷光頭，你拍唔拍？」、「如果畀好多錢又會唔會？」、「咁如果加埋性感呢？」令毛姐完全招架不住。毛姐就指Jer比較怕醜：「譬如我助手拍花絮，佢會隔住塊版唱吓歌畀我。」Jer間中才會與姜濤一起整蠱做怪。
至於在《過時過節》，毛姐則跟Edan及Anson Lo合作，其中她出力大讚Edan：「睇得出佢好有家教，爸爸媽媽畀咗好多心機栽培，佢好有智慧、EQ高，我諗每個爸爸媽媽都好想有個咁嘅仔。」毛姐現有意先飛到泰國，合適時候便再回港開工，她透露即將開拍的新戲會再與Edan合作，再續前緣。
更多第5波疫情資訊，請到以下專頁瀏覽
按此
立即下載 | 全新《星島頭條》APP : https://bit.ly/3yLrgYZ
