TVB有好多劇集都好經典，當中有啲拍檔而家想再睇佢哋合作都難嘞！於2005年播出，由陶大宇、郭可盈、陳豪及廖碧兒主演的《心花放》，近日於深夜時段重播。唔少網民睇完又睇都仲大讚，仲話好懷念以前劇集嘅演員陣容。咁又真呀！陶大宇與郭可盈呢對昔日螢幕情侶，當年拍足三輯《刑偵》默契十足，再拍喜劇性質較重的《心花放》一樣好有火花。就連女主角郭可盈近日都重溫《心花放》，更於IG與網民分享當年拍該劇的感想。
郭可盈都有重溫《心花放》。
《心花放》於2005年播出。
前日（25日）郭可盈於IG上載吃菠蘿包的照片，並透露自己正在重溫《心花放》，「邊吃菠蘿包邊煲《心花放》😄！感謝當年小青姐賦予我這個「叻、靚、醒」角色，令我一嘗演喜劇的滋味！ 過癮！❤️🥰」有網民就大讚《心花放》係童年回憶，又有網民睇見郭可盈個菠蘿包表示：「教識了很多人食菠蘿包原來係咁用叉食😂😂」冇錯！當年劇中嘅陳豪同陶大宇都係因為用叉食菠蘿包，先知佢哋親兄弟咋！真係講吓劇情，都回憶返晒嚟呀！
陶大宇與郭可盈係昔日螢幕情侶。
陳豪教識大家點食菠蘿包。
菠蘿包係要用叉食㗎！
更多第5波疫情資訊，請到以下專頁瀏覽按此
立即下載 | 全新《星島頭條》APP : https://bit.ly/3yLrgYZ
