汪小菲自去年11月與台灣女星大S（徐熙媛）離婚，隨即被爆離婚前已搭上內地女星張穎穎。縱然多次被拍到同回寓所，甚至在街頭十指緊扣，汪小菲都不曾公開認愛。未知張穎穎是否不甘未被男友正視身份，不時在社交網放風聲，一時就晒自拍讓網民發現她與汪小菲在同一地點，一時就晒出與汪小菲的同款大褸。
早前Po相呢隻大褸，汪小菲咁啱又被發現有同款。
其實張穎穎搞咁多嘢都冇用啦，汪小菲被人影到十指緊扣都唔認愛。
前日（1日）張穎穎又於微博晒新相，無名指戴着鑽戒，想人睇唔到都難呀！隨後即有內地網民發現汪小菲日前直播左手無名指，同樣戴着有些相似的鑽戒，被指是情侶戒。又再成為討論焦點的張穎穎，好快就將戴着鑽戒拍的照片在微博上刪除，內地網民就批評她扮晒嘢，指她明明就想暗示自己正印地位，認為她非常有機心呀！
張穎穎繼續自爆，今次係晒鑽戒！
汪小菲被指有同款鑽戒。
汪小菲與大S離婚後，即使有女友，似乎都未想公開認愛噃！
更多第5波疫情資訊，請到以下專頁瀏覽 按此
立即下載 | 全新《星島頭條》APP : https://bit.ly/3yLrgYZ
