熱播劇集《飛虎3壯志英雄》女主演陳瀅、蔡思貝、姚子羚作客TVB娛樂新聞台節目《Star Talk》，與主持王鎮泉大談拍攝該劇的辛酸與趣事。
劇中陳瀅與黃宗澤（Bosco）有感情線，陳瀅透露原來已不是第一次與Bosco演情侶。她說：「冇咩人知，嗰時仲係超級新人，第二套戲就係同佢演情侶，相隔咁多年之後再同佢演情侶，感覺好唔一樣，嗰陣真係好細個、好green，行位、燈光咩都唔知，依家有咗幾年經驗，等佢唔使覺得我仲係𡃁妹仔咁！」
陳瀅與蔡思貝、姚子羚為《飛虎3》上節目受訪。
劇中槍戰連場，陳瀅透露事前還用了一整天學開槍：「比我想像中難，睇戲時覺得單手開槍好瀟灑，但其實好難，因為支槍嘅扳機好硬，開槍唔眨眼又係非常之難。」陳瀅又指因是第一次拍開槍戲，故不知道要戴耳塞自我保護，Bosco見狀竟即場送贈她兩個耳塞，獲陳瀅大讚好sweet：「佢準備咗啲肉色耳塞，因為冇咁易穿崩，嗰吓真係好sweet，所以平時點恰我都由佢啦！」
陳瀅指第二次同黃宗澤演情侶，感覺不一樣。
陳瀅難忘高踭鞋狂奔場口，談到拍得最辛苦場口，陳瀅指是潛入豪宅一幕，除了因為戲服非常性感，還因為很多動作場口都要親自上陣。陳瀅更暗踩自己偏肥：「我呢個身形得我自己有，因為通常替身都好瘦，所以唔得呀，好多動作自己做番！最深刻係要着住好高嘅高跟鞋，仲要好快咁跑兩條街。大家都叫我唔好跌，如果扭親就唔知點算，我惟有搏老命咁跑得好快，好彩最後冇扭親，真係好唔容易！」
陳瀅獲黃宗澤送贈耳塞太Sweet了，所以任由對方欺負。
更多第5波疫情資訊，請到以下專頁瀏覽（按此）
立即下載｜全新《星島頭條》APP：https://bit.ly/3yLrgYZ
