MIRROR成員姜濤與柳應廷（Jer）的電影處男作、英皇電影《阿媽有咗第二個》早前入圍了第17屆大阪亞洲電影節競賽項目，日前更宣佈成為芝加哥亞洲躍動電影節「香港電影巡禮」的選映作品。《阿媽》下月2日會於芝加哥亞洲躍動電影節放映一場，門票一早就賣晒！而昨日（7日）大阪亞洲電影節亦開賣《阿媽》於本月12及15日放映的門票，12日的門票，僅19分鐘已經售罄，而15日的場次亦只剩少量門票，成績非常好呀！香港嘅Fans受疫情影響未能入場欣賞該片，但隨住《阿媽》於各大影展亮相，電影海報都曝光，可見姜濤與Jer坐在海邊，仲有藍天做背景，非常有Feel。
海報好靚，Fans應該好想收藏。
芝加哥亞洲躍動電影節放映一場，門票已經賣晒！
大阪亞洲電影節昨日（7日）開賣《阿媽》於本月12及15日放映的門票。
大阪亞洲電影節本月12日的場次，開賣19分鐘就完售。
上周五（4日）姜濤曾於社交網以美國國旗及飛機Emoji出Po，搞到一眾「姜糖」以為他將飛美國出席芝加哥亞洲躍動電影節，仲齊心留言祝偶像一路順風。不過睇返導演彭秀慧IG分享的近況，似乎人仍在香港，而女主角毛舜筠早前透露5月須回到香港拍新戲，但受疫情影響需由加拿大轉飛泰國逗留兩周以上才能回港，就連MIRROR經理人花姐（黃慧君）都正留家抗疫。加上據知由於疫情嚴峻，《阿媽》劇組暫時都冇計劃安排代表出席芝加哥亞洲躍動電影節，相信姜濤早前出嗰個Po，可能係想表達個心飛咗去美國呀！
姜濤日前呢個Po，個個都以為佢會飛美國。
姜糖都以為係……
《阿媽》女主角毛姐要兜路返香港。
更多第5波疫情資訊，請到以下專頁瀏覽
按此
立即下載 | 全新《星島頭條》APP : https://bit.ly/3yLrgYZ
