劇集《家族榮耀》昨晚一集尾段，播出了張智霖與楊茜堯激情親熱場口，飲至酩酊大醉的甄芯（楊茜堯飾）與Marco（張智霖飾）肉緊熱吻之餘，更急不及待除去對方及自己身上衣服；為了表達二人的熾熱感，兩位主角更由門口一直打轉至入房，單在鏡頭前已足足轉了8個圈。
張智霖自認年紀唔細。
對此，張智霖早前接受TVB娛樂新聞台訪問時，笑指該場戲是「 湯馬斯回旋8個圈」，即遭黃浩然取笑謂：「繼巴黎鐵塔（《家有囍事》經典場口）之後，呢個都可能成為經典！」張智霖事後感歎拍攝如此激烈場口、其實需要克服心理關口：「始終自己（年紀）唔細，廿幾三十歲做呢啲理所當然，但人愈大就好似唔應該太親熱。其實拍之前有好多唔同方案，最後都係揀咗要激啲，所以就諗反正都係喇，咁不如去盡啲啦。」身旁的羅子溢聞言即講笑謂：「我同李彩華嗰啲係愛意式嚟嘅，我哋嗰啲獸性係擺喺心裏面！」
人愈大就好似唔應該太親熱？
最後揀咗激啲去到盡。
更多第5波疫情資訊，請到以下專頁瀏覽（按此）
立即下載｜全新《星島頭條》APP：https://bit.ly/3yLrgYZ
