本港疫情大爆發，當局今日傍晚近6時首次發出緊急警示，提醒市民伊利沙伯醫院今日起轉為定點醫院，提醒市民切勿前往該醫院急症室求醫。不過個警示就嚇親市民大眾囉…搞到部手機又響又震咁，以為發生咩咁突發咁大件事，連鄧麗欣都忍唔住喺IG發限時動態表示：「有冇人頭先畀個電話嚇親？我以為地震…」盧巧音仲嚇到爆粗。
鄧麗欣以為地震……
盧巧音嚇到爆粗。
ERROR成員何啟華（Dee）亦於IG限時動態表示畀個響聲嚇親，覺得勁奇怪，更發起投票，問Fans有嚇親定冇嚇親。馮鎵瀠（Naomi）就嚇到問：「唔知以為俄羅斯打到嚟…」而且短時間內收到兩次緊急警示，「究竟要響幾多次吖？」DJ當奴（Donald）就希望下次再「震」，係通知大家無晒病毒，坐得飛機呀！
大家可以去Dee IG答佢有冇嚇親。
Naomi以為打到嚟！
當奴都幾好脾氣。
更多第5波疫情資訊，請到以下專頁瀏覽（按此）
立即下載｜全新《星島頭條》APP：https://bit.ly/3yLrgYZ
