新冠肺炎第5波疫情持續，娛樂圈持續有人不幸中招，其中羅樂林女兒羅苡之上周便不幸染疫，結果日前要一個人度過38歲的生日。羅苡之今日接受《頭條娛樂》的訪問，她透露：「之前爸爸唔好彩中咗，我同佢哋住得近，所以都係由我啲日用品俾佢哋，但我都只係放啲嘢喺門口，同佢係冇接觸，只係遠處揮吓手。但上星期五（4日）晚開始唔舒服，即時都做咗快測，但係係陰性，第二日仲係好唔舒服，再做已係陽性。」表示其實疫情緊張之後，已絕少出街及只是在家工作，不過始終之前有去超市，始終人多，她指可能有些人中沒有病徵；染疫也不知。
羅苡之透露最辛苦是發病頭幾天，她說：「嗰幾日係又高燒又低燒，一時好熱一時又凍，所以都乖乖哋食藥飲好多水及休息，之後到第3、4日已好好多。有啲人喉嚨好痛，好似被刀割，但我好彩相對喉嚨痛同咳都少，但就失聲，到今日先有返。」幸好爸爸羅樂林現已康復，而老公陳志健則上月已到上海工作，因此家中只有羅苡之一人，她不怕傳染給他。但羅苡芝在本周二（8日）度過39歲生日，結果只能在隔離中度過，她謂：「真係好多人中，有時真係在所難免，但希望就算中，病情都輕啲。」羅苡之雖然目前只有一個人在家中，但幸好可以自己照顧自己，她又特別感謝不少朋友知她老公不在港，出手幫忙。至於老公，羅苡之謂他目前在上海隔離中，因此很清閒，故每日也早、午及晚致電給她慰問。
另外，嚴淑明雖然已打齊三針，但日前也不幸中招，她以短訊回覆本報表示：「一個星期前確診，自我隔離中。頭幾天反應的確比較大，如全身無力，少少關節痛及晚上睡覺抽搐、喉嚨痛等等，不過最難受的時候已經過去。現在狀態好好多。」而蕭定一今日也在社交網貼出多個快測陰性結果，他留言：「各位觀眾丶四條A！弟子出關了 ！」意即他早前也不幸確診。
更多第5波疫情資訊，請到以下專頁瀏覽
按此
立即下載 | 全新《星島頭條》APP : https://bit.ly/3yLrgYZ
